Back to All Events

СРАМОТА! - вечер на раскажување квир приказни

  • Кино Фросина (map)

Skopje Pride Weekend во соработка со фестивалот ПРВО ПА ЖЕНСКО #ППЖ11 Ве покануваат на СРАМОТА! - Вечер на раскажување квир приказни и афтер со Ивана Драгшиќ!

СРАМОТА! е дел од Скопскиот викенд на гордоста и е иницијатива на ПичПрич дуото Ана Василева и Румена Бужаровска. Неколкумина раскажувач(к)и од јавната културна, политичка и општествена сфера раскажуваат кратки приказни за телесниот, родовиот и сексуалниот срам кој ја обележал нивната општествена ненормативност – оттаму, „квир“ како она што излегува од рамките на прифатливиот општествен код.

Со овие јавно изговорени приказни, срамот се превртува и се трансформира, исмеаниот станува исмевачот – срамот се враќа назад кон оние што занесени во својата арогантност и привилегија, претпоставуваат дека го имаат правото да бидат родова, сексуална и морална полиција и да понижуваат.

Срамот е поврзан со нашите желби, задоволства, однесувања, движења и мисли, па затоа овие приказни создаваат наративи за отпор. Конечно, нашиот срам станува наше задоволство и среќа. Наместо наведната глава и зацрвенети образи, ние даваме отпор. Наместо неподносливото внатрешно гушење, ние пукаме од смеење. Овој настан има намера да го искористи хуморот како моќна алатка за отпор и кршење на општествените норми и притисок што создава чувство на срам кај нас како поединци.

Наскоро ќе ги објавиме раскажувачите за оваа година!

По настанот продолжуваме со диџеј сет на Ивана Драгшиќ

Билетите по цена од 150 денари можат да се купат на билетарница на МКЦ или на овој линк https://bileti.mkc.mk/index.php?id=1238

Настанот е поддржан од: Шведска и The Kvinna till Kvinna Foundation.

Earlier Event: April 22
DREG PANEL
Later Event: July 6
Balkan Queer Lesungen